"പ്രതീക്ഷയുടെ കനലുകൾഉള്ളിൽ ഏരിയട്ടെ! "

കുറച്ചു കാലമായി ജീവിതത്തിൽ ഉത്തരങ്ങളെക്കാൾ ഏറെ ചോദ്യങ്ങളും ചോദ്യചിഹ്നങ്ങളും ആയിരുന്നു. വെളിച്ചത്തേക്കാൾ ഏറെ ഇരുട്ടും.

ഇരുട്ടിന് കട്ടി കൂടിവരുമ്പോഴൊക്കെ ചാരം മൂടി കിടക്കുന്ന എൻറെ ഉള്ളിലേക് ഞാൻ ശക്തമായി ഒന്നൂതി നോക്കുമായിരുന്നു!.

ഒരു തരി കനലിന്റെ നുറുങ്ങു വെട്ടം ഒന്ന് മിന്നി മായും,

ആ തെളിച്ചതിന്റെ നിഴലിൽ പിന്നെയും മുന്നോട്ടു ഓടും,

ഇടക്ക് തട്ടിവീഴും,

ഇരുളിൽ പരതി പിടഞ്ഞെഴുനേൽക്കും,

ആദ്യം കണ്ട നിഴൽ രൂപത്തിൻറെ ദൂരം വരെ ഓടിയെത്തും.

തെളിഞ്ഞ ഒരാകാശവും നിറങ്ങളുള്ള ഭൂമിയും എനിക്കപരിചിതമായിരുന്നു ഇക്കാലമത്രയും.

ഉത്തരമറിയാത്ത ഒരുപാട് ചോദ്യങ്ങൾ ഇപ്പോഴും എന്നെ നോക്കി കൊഞ്ഞനം കുത്തുന്നുണ്ട്. പക്ഷേ ഇപ്പോൾ ഉള്ളിൽ ഇരുന്നു ആരോ പറയാറുണ്ട്

"ഒരു solution ഉണ്ടാകും, be cool ".

ഒരുപാട് ആകുലതകൾക്കിടയിൽ എപ്പോഴോ ഞാൻ അറിയാതെ നേടിയെടുത്ത കരുത്ത് തന്നെയാണ് എനിക്ക് ധൈര്യം തരുന്നത്.

എല്ലാം കഴിഞ്ഞു എന്ന് നിരാശപെടുമ്പോഴും പ്രതീക്ഷയുടെ ഒരു പുൽനാമ്പ് എങ്കിലും നമ്മെ തേടി വരും എന്ന് ജീവിതം കൊണ്ട് ഞാൻ പഠിച്ചിരിക്കുന്നു.

ultimately ലൈഫ് ഭയങ്കര സൂപ്പറാ.. കളർഫുള്ളും.. ജീവിതം ശുഭപര്യാവസായി തന്നെയാണ്.

പക്ഷെ നമ്മൾ ആഗ്രഹിക്കുന്ന ക്ലൈമാക്സ് ആവില്ലെന്ന് മാത്രം അങ്ങനെ ആണേൽ ജീവിതം ഭയങ്കര ബോറാരിക്കില്ലേ?

"If it is not happy, it is not the end"

ചുമ്മാ ഇടയ്ക്കിടെ നമ്മളോട് തന്നെ പറയെന്നെ.. നമ്മളൊക്കെ പഞ്ചപാവങ്ങൾ അല്ലെ.. അങ്ങ് വിശ്വസിച്ചോളും! നമ്മുടെ ചിന്തകൾ തന്നെയല്ലേ നമ്മുടെ സ്വഭാവവും. നമ്മെ നല്ലവരും കെട്ടവരും ആക്കുന്നതും!

ചിന്തകൾ ശുഭകരമാകുമ്പോൾ ജീവിതം സുഖകരമാകും!

"പ്രതീക്ഷയുടെ കനലുകൾ എന്നും ഉള്ളിൽ ഏരിയട്ടെ "